عشقت قمر

عشقت قمر
قضيت أيامي شجون وسهر
فاكر لما كنا سوا تحت المطر
يومها قلت لي
أنا قلبي خلي
من كل حب رخص أو غلي
إلا حبِك
إلا قلبِك
وفاكِر لما عيونك في الأول باسِتني
أصدي شافتني
ماهو عيونَك بتلخبط وتحيـّر
وأنا قلت لَك قلبي عمره ما يتغيـّر
أنا ليك
وبيك
انت علمتني إزاي أحب
وبإيدك شاورتلي على مكان القلب
قلت لي هنا حطيني
ايوه جواك خليني
وانا مكدبتش خبَر
لإنك قمَر
وفاكر لما وقفنا عند النيل
قلت لي وأنا معاكِ كل شئ جميل
سامعه النيل بيغني غنانا؟
سامعاه بيقول إيه على هوانا؟
وفاكِر لما مشينا وكانت الشمس بتغرب؟
قلتلَك اتأخرت قلت دي بتهرب
قلبك بكي وأنا بمشي
من يومها مبتنامشي
قلت لي غبتِ ليه بقالك زمان؟
معاكِ أنا حاسس بأمان
ياحبيبي وأنا كمان
ودي آخر مره أغيب
دانت أول وآخر حبيب
وبوعدك هنفضل سوا
أنا وانت وبينا هوا
ومهما كنت عني بعيد
هستناك
عارفه انك جاي أكيد
زي ما قلت لك
وحلفت لك
أنا أصلي بعشق قمر

*Copyrights reserved for Sarah Arram, October 27 2005